Image1\

SELJA hjá FMÍS

 

Allur aflinn er í góðum höndum hjá starfsfólki FMÍS. Við leggjum áherslu á greiðvikni og persónulega þjónustu, bæði á bryggjunni, á gólfinu hjá okkur og þegar þú hefur samband. Markmiðið er að allar fisktegundir seljist á hæsta mögulegu verði.

KAUPA hjá FMÍS

 

Við sjáum til þess að keyptur afli sé aðgengilegur strax að loknu uppboði, með áreiðanlegum upplýsingum um stærð, ástand og uppruna fisksins. Við leysum fljótt og vel úr málum ef nauðsynlegt reynist að meðhöndla fiskinn að loknu uppboði eða gera einhverjar leiðréttingar.

Samfélagið og FMÍS

 

Fiskmarkaður Íslands er burðarás í atvinnulífi á þeim 9 stöðum þar sem hann starfar. Fyrir tilstilli FMÍS er auðveldara að koma aflanum í verð og starfsstöðvarnar leiða af sér ýmis önnur umsvif. FMÍS leggur áherslu á að hafa góð áhrif á umhverfi, efnahag og samfélag þar sem hann starfar.
 

Þjónusta við kaupendur

Almenn upplýsingagjöf

FMÍS leitast við að miðla upplýsingum um fyrirsjáanlegar landanir, bæði hér á vefnum og símleiðis. Við leggjum mikið upp úr góðu sambandi við viðskiptavini okkar og reynum að veita allar upplýsingar sem okkur er fært að veita.

Frágangur á fiski

Við göngum frá fiskinum að loknu uppboði eftir óskum kaupandans, t.d. með því að bæta við ís.

Stærðarflokkun

FMÍS hefur vélbúnað til að stærðarflokka bolfisk í starfsstöðvum á Arnarstapa, Grundarfirði, Ólafsvík, Rifi, og Stykkishólmi. Notaðir eru stærðarflokkar Reiknistofu fiskmarkaða, sjá hér. Gjald er tekið fyrir stærðarflokkun, sjá gjaldskrá.

Slæging

FMÍS býður seljendum og kaupendum slægingu á bolfiski í starfsstöðvum á Arnarstapa, Grundarfirði, Ólafsvík, Rifi, Skagaströnd og Stykkishólmi.

Allur fiskur er greinilega merktur kaupanda að loknu uppboði og gerður tilbúinn til afhendingar. Kaupandi getur óskað þess að tilteknar fisktegundir fái ávallt sömu meðferð, t.d. slægingu, að loknu uppboði.

 
 
 
 
 

Fiskmarkaður Íslands hf - Norðurtanga - 355 Ólafsvík - Sími 430 3700 - fmis@fmis.is