Með fullan bát af steinbít

Línubáturinn Særif SH sem er 15 tonn að stærð gerði góðan túr á steinbít út af Látrabjargi í gær, þegar hann kom með 14 tonn af steinbít og eitt tonn af þorski að landi á Rifi.  Arnar Laxdal skipstjóri segir í samtali við Morgunblaðið að mjög

góð aflabrögð séu búin að vera í þessari viku. „Steinbíturinn er á

litlu svæði og höfum við þurft að leggja línuna í bútum. Í þessum túr lögðum við línuna þrisvar sinnum, eða sem samsvarar um 50 bölum en við erum með beitningarvél um borð.“

Arnar segir að mikil vinna sé á uppstokkaranum við að bæta á

króka, en á steinbítsveiðum er það þekkt að króka vantar á línuna

vegna þess hversu steinbíturinn er gráðugur. „Það eru tveir menn í

ganginum á fullu við að bæta krókum á línuna,“ segir Arnar brosandi.

Frétt úr Morgunblaðinu 29/5 ´08

Myndina tók Alfons Finnsson