Áhöfnin á Gunnari Bjarnasyni SH kom að landi með þennan glæsilega stórþorsk s.l. föstudag. Þegar þorskurinn var veginn og mældur kom í ljós að þetta var 37 kg. hrygna, 156 cm að lengd, Í Fiskabók Gunnars Jónssonar kemur fram að stærsti þorskur sem vitað er um að veiðst hafi við Ísland veiddist 1941 og mældist 181cm að lengd. Þorskurinn af Gunnari var hrygna eins og áður segir og vigtuðu hrognin 2,3kg. Í maga þorsksins var ýmislegt að sjá og þar á meðal tvær ýsur sem samtals vógu um 1,5 kg.